Инструктори
Димитар Мишев
Основач на Сонриса
Моето танцово патување започна во далечната 2004 година, по повеќегодишно искуство во кошарка и гимнастика од мојата петта година.
Пет години се посветив на изучување на стандардни и латино танци, по што ја открив мојата страст за социјалните танци, како салса, бачата, кизомба и регетон.
Во 2012 година, инспириран од моето искуство, го основав танцовиот клуб Сонриса. Од тогаш, како сопственик на Сонриса, имам посетено над 50 танц конгреси на различни локации ширум светот.
Организирав свои конгреси, работилници и бројни настани, со што постојано ја унапредувам танц културата.
Во 2019 година воведовме нови дисциплини, како Full Body Workout и HIIT, кои дополнително го збогатуваат нашиот клуб.
Нашите Инструктори
Сања Матеева Мишева
Инструктор по Танци
Сања танцува уште од најрана возраст. Од 6 до 9 години посетувала часови по стандардни и латино танци, а од 12 до 14 години се вљубува во динамичниот свет на хип-хопот.
На 15 години започнува со Зумба часови, но нејзината вистинска љубов кон латино танците се буди на 16 години, кога почнува да ги изучува салсата, бачата, регетонот и кизомбата.
Your Title Goes Here
Your content goes here. Edit or remove this text inline or in the module Content settings. You can also style every aspect of this content in the module Design settings and even apply custom CSS to this text in the module Advanced settings.
Прочитај Повеќе
Во 2017 година станува инструкторка во Танцов Клуб Сонриса, каде што држи часови по овие танци и го надградува своето знаење на меѓународни семинари со врвни инструктори. Регетонот отсекогаш ѝ бил омилен – соло танц кој се изведува на песни од артисти како Daddy Yankee, J Balvin и Maluma.
Води успешни групи, настапува со балкански ѕвезди, снима видеа и освојува бројни награди. Во периодот на пандемијата и за време на бременоста, се фокусира на менаџирање на клубот и помали групи по Регетон, Зумба и Зумба Степ.
По раѓањето на своето дете, се соочува со предизвикот да ги балансира сите обврски, па на крајот на 2023 година одлучува целосно да се повлече од танцот. Но, танцот секогаш бил дел од неа. По само шест месеци, сфаќа колку ѝ недостига и почнува повторно да танцува сама, да создава кореографии и да ужива во движењата.
Денес, со нова енергија, Сања организира месечни регетон работилници во Сонриса – два часа полни со енергија, забава и нови кореографии.
Работилниците се наменети за лица со претходно танчерско искуство, а од март планира да започне со редовни часови двапати неделно во Дебар Маало, каде што почетниците ќе можат да ги научат основните изолации и чекори. За Сања, танцот не е само движење – тоа е емоција, страст и начин на живот.
Таа со радост ја споделува оваа љубов со сите што сакаат да откријат колку магичен може да биде светот на танцот.
Марија Лукаревска
Инструктор по Танци
Марија ги прави своите први танцови чекори на 5 години со часови по балет, каде што ги совладува основите на држење и движење. На 8 години преминува на стандардни и латино танци, а на 12 се вљубува во хип-хопот, настапувајќи на телевизиски емисии и фестивали.
Your Title Goes Here
Your content goes here. Edit or remove this text inline or in the module Content settings. You can also style every aspect of this content in the module Design settings and even apply custom CSS to this text in the module Advanced settings.
Прочитај Повеќе
Во средно училиште се посветува на театарската уметност, каде што ја открива својата страст за кореографијата, создавајќи успешни претстави на аматерски фестивали.
Од 2014 година е дел од танцовото училиште Сонриса, каде што ја освојуваат регетон, салса кубана и бачата. Во 2017 година започнува како инструкторка по зумба степ, а подоцна и по регетон, бачата и свадбен танц.
Активна е во организацијата на фестивалот Hola Ohrid и редовно посетува меѓународни танцови настани за усовршување на своите вештини. Марија е енергична, креативна и посветена инструкторка, која верува дека секој може да танцува со љубов кон музиката, упорност и редовна пракса.
Ева Костадиновска
Инструктор по Танци
Ева Костадиновска е активна во светот на танцот од 2023 година, со фокус на салса, бачата, регетон и хеелс.
Во текот на својата танцова кариера, има учествувано на танцови конгреси во Грција, Бугарија и Србија, каде што стекнала драгоцено искуство и инспирација за понатамошен развој.
За Ева, танцот е повеќе од движење – тоа е простор за изразување, креативност и неизмерна енергија која ги поврзува луѓето преку ритамот и емоциите.
Марија Сачмаровска
Фитнес Инструктор
Со 10 години искуство во бодибилдинг, 6 години кошарка и 4 години како персонален тренер, Марија е вистински професионалец во својата област.
Нејзината посветеност кон здравјето и фитнесот ја прави инспирација за сите што работат со неа.
Софија Ал-Асади
Инструктор по Танци
Со 11 години искуство во хип-хоп танц и учество на бројни натпревари, Софија ја претвора својата страст за движењето во инспирација за другите.
Таа постојано се усовршува и споделува позитивна енергија на часовите што ги води.
Ѓорѓи Петровски
Фитнес Инструктор
Ѓорѓи ја започнува својата кариера како фитнес тренер на 16-годишна возраст, со силен фокус на индивидуалните потреби на клиентите и безбедното изведување на вежбите.
Постојано го надградува своето знаење во областа на бодибилдингот и функционалниот тренинг, стремејќи се кон извонредност и постигнување максимални резултати за секој клиент.
Тамара Петревска
Инструктор по Танци
Тамара го започнува своето танцово патување во 2021 година со регетон работилници, а подоцна го проширува своето знаење со бачата и салса.
Низ годините се посветува на усовршување на техниката и уживање во магијата на танцот, инспирирајќи ги другите да го откријат својот потенцијал и да ја почувствуваат радоста на движењето.
Ина Лазаревска
Инструктор по Танци
Ина го започнува своето танцово патување со кубанска салса, а подоцна се насочува кон регетон и зумба. Има освоено награди на танцови натпревари и посетено бројни семинари.
Како инструкторка, се фокусира на енергија, прецизност и забава, помагајќи им на учениците да го развијат својот стил.
Станче Зафировска
Фитнес Инструктор
Со искуство во ракомет, гимнастика и теретана, Станче има длабока страст за спортот и движењето.
Посветена на континуирано усовршување и споделување на своите знаења, таа активно учествува во часовите и инспирира други преку својата посветеност.
Дина Атанасова
Инструктор по Танци
Дина го започнува своето танцово патување со играорна, а подоцна се насочува кон модерни и хип-хоп танци. Учествувала на бројни натпревари, стекнувајќи искуство и освојувајќи признанија.
Денес, Дина предава зумба и со голема страст продолжува да ја негува својата љубов кон танцот, создавајќи енергични и инспиративни часови што ги поттикнуваат членовите да уживаат во движењето.
Илија Пешовски
Инструктор по Танци
Илија е посветен танчер со долгогодишно искуство во социјалните танци. Активно вежба салса, бачата и кизомба, а учествувал и на бројни танцови фестивали.
Посветен е на континуирано усовршување и споделување на своето знаење со танчерската заедница.
Марија Чекреџи
Инструктор по Танци
Марија танцува од мала возраст, со посебен фокус на регетон, салса и бачата. Прво започнува како ученик, а подоцна станува инструктор, пренесувајќи ја својата страст кон танцот на учениците.
Верува дека танцот е идеален начин за изразување, подобрување на кондицијата и стекнување самодоверба.
Симона Цветковиќ
Инструктор по Танци
Симона танцува од детството, започнувајќи со модерен балет и хип-хоп. Подоцна се насочува кон салса и бачата, учествувајќи на фестивали и семинари.
Како инструкторка, работи на креирање уникатни кореографии и инспирирање на учениците преку динамични и забавни часови.
Христијан Тодоровски
Инструктор по Танци
Танцовата приказна на Кико започнува во 2016 година со салса, а подоцна се проширува со бачата, регетон и кизомба.
Низ годините, има посетено над 30 фестивали низ светот, постојано надградувајќи ги своите вештини и танцова техника.
Со огромна страст и посветеност, го споделува своето знаење со сите што сакаат да научат и да ја почувствуваат магијата на танцот.